yosra
عضو بارز
الاوسمه : 
عدد المشاركات : 286
السٌّمعَة : 8
نقاط : 401
تاريخ التسجيل : 16/03/2009
 | موضوع: أمّ ليبية: عن العرس علي الطريقة الليبية  الخميس يونيو 25, 2009 11:37 am | |
| أمّ ليبية: عن العرس علي الطريقة الليبية
البداية: إرسال كروت العزومة إلي اكبر عدد ممكن من المعارف والأصحاب والجيران وجيران الجيران، لكي تتباهي أم العريس/العروس بالزحمة، وبعدين أتقول والله ما عزمت فيت الأقارب والجيران بس مش عارفه منين جوا.
أهل المناسبة:
التجهيز للمناسبة قبل سنة أو أكثر ويقولوا الوقت زرنا شراء كل ما يلزم وما لا يلزم ـ حسب القول المعروف أيزيد خير ما ينقص
العريس/العروس مكشر وضايقه في وجهه ـ عادة لازم منها ـ
الحوش حايس والعيل الصباي ماشي أيجيب في سيارة
السيارة مش للزفة ـ للمجاري الفايضة ـ
أم العريس/العروس رابطة رأسها مريضة
الطباخة جت وين اللحم؟ من مشا ايجيب فيه؟
عدي لجارتنا وجيب منها منصب وطنجرة كبيرة
عدي لجارتنا وجيب منها بمبة غاز
اهي جارتنا جت ـ علشان ايشوفوا غيرها ـ
قبل المغرب سكون ـ كل شئ عدي للصالة ـ
من ايجيب البنات من الكوافير ـ دوركان لقيت ـ
من في الحمام كنا معش طلع
بقدرة قادر الكل في الصالة ـ الحوش امشرع ـ
صالة الأفراح هي المكان المقام به المناسبة سواء حنه او زفة ( عيد ميلاد او لمة اجياب )
المعازيم:
الحضور بدري بيش أتحصل مكان قدام
الجلوس بطريقة ذكية بيش يشوفوا لبستها
فتح واكل كل شئ موجود علي الطاولة
اللي ما تقدرش عليه تأخذه في منديل
ازعمك وين ديرينها هذى ـ توا نسأل أخته ـ
الفرقة تصول وتجول
توا انجي نمشي انسلم ـ بالكي ما شفوش لبستها كويس ـ
كنها افلانة لابسة هكي شنوا صايرلها
ترفع يدها تشير الي صحبتها ـ بيش ايبان الذهب ـ
توا انجي نمشي للحمام ـ في وحدين جو توا بيش ايشوفوها ـ
العريس/العروس طول
باهي مع السلامة
تروح بدون ما تشوف العريس ـ حسرة ـ
الحالة خارج الصالة:
العيال تجري ـ الأب يجري وراه ـ
العيال جعانة ـ الأب يدز ولامن مجيب ـ
العيال نعسانة ـ اشويه قريب انروحوا ـ
العيال ارقدت ـ وين امفاتيح السيارة ـ
الخلاصة:
راح فيها العيل وبات العيل
كل شئ عالبركة ـ ثاني يوم ـ وكل واحد ايروح لحوشة ودور من ايضملك حوشك | |
|
قطرالندى
عضو مميز
الاوسمه : 
عدد المشاركات : 1903
السٌّمعَة : 19
نقاط : 2416
تاريخ التسجيل : 15/03/2009
| | موضوع: رد: أمّ ليبية: عن العرس علي الطريقة الليبية الخميس يونيو 25, 2009 9:14 pm | |
| ههههههههههههههههههههههههههههههههههههههههههههههههههه
هههههههههههههههههههههههههه ضحكتينى يسرا
والله الا كلامك مزبوط ميه فى الميه هدا حال الاعراس الليبيه
عالعممممممممموم مشكوره خليتينى نضحك
تقبلى مرررررررررورى | |
|
المزيونه
عضو بارز
عدد المشاركات : 183
السٌّمعَة : 5
نقاط : 260
تاريخ التسجيل : 27/03/2009
| | موضوع: رد: أمّ ليبية: عن العرس علي الطريقة الليبية الجمعة يونيو 26, 2009 1:31 am | |
| ههههههههههه مشكوره يسرا والله حقاهذا اعراسنا الليبيبن مايمشوا غير في حرق الاعصاب | |
|
نــ بن ــمــ عدوان ـــر
عضو مميز
الاوسمه : 
عدد المشاركات : 1332
الموقع : http://nmarz.ahlamontada.ne
السٌّمعَة : 22
نقاط : 1909
تاريخ التسجيل : 19/03/2009
| | موضوع: رد: أمّ ليبية: عن العرس علي الطريقة الليبية السبت يونيو 27, 2009 10:41 am | |
| مشكوره يسرا على الموضوع هدا يلى فعلا اقل شى يصير فى الاعراس خاطى حرق الاعصاب ومشكله بعد مايتم العرس ضيوف يلى جو وكلو بيبدو فى تلقيح وشفتى فلنه كيف لبسه وشفتى الماكله يعنى مش عاجبهم العجب ولا صيام فى رجب | |
|
