مواقف ليبية 100%

مواقف ليبية 100%


السلام عليكــم ورحمـة الله وبركاتــة ،،

شنو الجو ... وشنو حالكم ....ان شاء الله حالكم باهى كلكم ...

هاهو جايبلكم مواقف ليبية صايرة بجد... مش بصارة ....بجد الجد .

المهم .... خلى انخشوا فى المواقف .

الموقف الاول ((1 ))


في موقف
اللي مشى لحوش صاحبه
بعد ما ضرب الجرس
رد عليه صوت ناعم و حنون : منو؟
الراجل تلخبط و قال : عبدالقاعد قادر
الصوت الناعم يرد : شنو ؟
الراجل تلخبط أكثر و قال : بعد ما ايجي من انقوله
ههههههههههههههههه


الموقف الثانى ((2 ))

في واحد كبير في السن سافر إلى إسبانيا لغرض العلاج وكان يقيم في هوتيل وكان مدمن شاي أخضر .

مرة من المرات سخن الشاي في حجرته وشرب منه وخرج من الحجرة لقي واحد شاب من ملامحه عربي تعرف عليه لقاه ليبي فرح به وقاله شن رايك في طاسة خضراء واتية { يسحاب عازمه علي كأس ...... } وافق الشاب على هذا الكرم من صاحبنا وحضر معاه للحجرة . صاحبنا طلع طاسة وصب فيها الشاي الاخضر . الشاب قال شن هذا رد عليه صاحبنا وقاله طاسة خضراء سخونة . قاله الشاب عازمني علي شاي اخضر قاله صاحبنا ايه . قاله الشاب اني الشاي خليته في ليبيا وانت لاحقني به هني ، انت مازال قاعد في الهوتيل . قاله صاحبنا ايه مازال قاعد . قاله الشاب والله ماعاد قاعد فيه مادامك انت هني . وخرج الشاب من الحجرة .

يحكي الراجل ويقول نشوف فيه { يقصد الشاب } خدي شنطته وخلص حسابه وغادر الهوتيل .
هههههههههههههههههههه

الموقف الثالث (( 3 ))

هذا صاحبنا كان مسافر من بنغازي الى طرابلس ومعاه خوه
وكانت عندهم خالتهم تسكن في الخمس ونظرا لبعد المسافه من الخمس لبنغازي وراجل خالتهم غريب عمرهم ما شافو عيال خالتهم
بس خالتهم يعرفوها لانها مره مره اتزور فيهم
عموما بعد ما وصلو لحوش خالتهم طلعو لعيال والبنات كلهم وسلمو عليهم وتعرفو على بعضهم
وكانت بنت خالتهم جميله جدا وزي ما نقولو طرف واسمها سميره
وبعدين جلسو في المربوعه في اليل هم وزوج خالتهم ويهدرزو
واحد من الاخوه نعس والاخر قعد ايهدرز مع زوج خالته
الي نعس قعد يحلم ويهترس بصوت عالي جنبهم (( ياشينك طرف سميره بنت خالتي )) ههههههههههههه




الموقف الرابع ((4))

موقف مش عادى ...

المهم : صاحبنا اللي نحكيلكم عليه مش كبير هلبة في السن ومش شاب يعني في 40 أو 45 والجسم ماشاء الله لا قوة الا بالله 20x6

.......

المهم : كان في يوم ماشي هو صاحبه حتى هو نفس الجسم ومسميينه الفيل ( نسبة الي بنيته الجسمية ) كانو ماشيين في السيارة الصوني في طريق تاجوراء السريع

.....

المهم رد عليهم واحد بالسيارة وفتح المرش وقعد يخرط عليهم ... المهم قعدوا يضايقوا فيه لين خلوه يدرس السيارة ..

......

طبعا صاحبنا مايعرفهمش .. دار روحه متقوي وبيجبد الكريك من تحت الكرسي علي أساس بيضرب يبه .. وهو يجبد في الكريك من تحت الكرسي قام راسه بالصدفة دورة يشوف في زوز 20x6

رد الكريك مكانه ولما وصلوا فيه فتحلهم المرش متع السيارة وقاللهم :-

عليا الطلاق ماكم ضاربيني

ضحكو ومشوا وخللوه في حاله
هههههههههههههههههههههههههههههههههه



((( وهادي نكتة ))
وحدة عانس حلمت انها لابسة فستان الفرح وبجانبها كلب وفوق رأسها طير
مشت لمفسر للاحلام....
قاللها.....معنى الحلم..تكلبي ...تطيري ...مش ح تلبسي فستان الفرح.