عجائب ليبيا السبعة

عجائب ليبيا السبعة

فيه حاجات في ليبيا عمرك ما حتلقاها في العالم كله تميز ليبيا عن العالم

فيه منها حاجات كويسة وفيه حاجات اعوذ بالله

ومن غير كتر دوة نخششو في العجائب:

1-الافيكو: سيارة ضخمة يقودها واحد مستهتر لغرض تلقيط الرباع قبل المغرب والخمسينات بعده يدرس وين ما يعجبه والناس ديما تقولله مبارك عليك الطريق!!!
2-العرس: خيمة تنصب في وسط الشارع لكي تزعج الناس بغناء الزمزامات الهابط بعد منتصف الليل الي اذان الفجر
3-تقييد الاحوال:وهو تتبع عورات الاشخاص ومعرفة كل شاردة وواردة خاصة بهم وعدم ترك الشخص في حاله الي حين اكتشاف مصيبة والتفضيح بيه
4-التفنيص: ماركة ليبية معروفة وهو فن التحديق بالشخص مع قرنة الحواجب وكأنه بينك وبينه ثار
5-عكسة البالوات: مجموعة من الشباب الفاضي لا هم لهم سوي معاكسة البنات وخلق المشاكل بدون داعي مع الناس اللي ماشية في حالها
6-القرمة:وهو فن تمتاز به الكثير من النساء في تقطيع عباد الله
7-التسطريب: كيف تجعل سيارة البابا رابش بعد شهور ليشتري لك اخري افضل منها

وبصراحة:

بلدي وان جارت عليا عزيزة --- أهلي وإن ضنوا عليا كرام

منقووووووووووول