بنات ليبيا في الخارج ... لماذا ... اللي يعرف ايجاوبني !!

مواطن بارك الله فيك على طرحك للموضوع واللي الواضح فيه انكم كمغتربين لاحظتو الشي هدا على البنات الليبيات المغتربات .... من وجهة نظري انهم يعانو من عقدة النقص وفقدانهم للثقة بانفسهم والنوع هدا من البنات اوالشباب يعانو من فراغ داخلي وعدم الاعتزاز بانفسهم وبأصلهم ووصوليات ويضنو انهم لو تعرفو على اي شخص من دول الخليج هدا الشي سد الفراغ الداخلي وزال عقدة النقص اللي يعانو منها...... يعني في نظرهم انه الخليجي مادام عنده فلوس يعني شي كبير ليهم بغض النظر عن الدين والاخلاق والمعاملة والتقافة والعلم ,,,, ,,,,,وانها تقنع في نفسها انها ترقت واصبحت شي يدكر ,,,,, التصرفات تدل على شخصية صاحبها وهي سفيرة لموطنها الاصلي ليبيا وان نفسها في حد داتها امانه تستوجب المحافظة عليها وبالعكس انتو تعتبرو الاخوة الدين حلو مكان اخوانهم الغائبين عنهم وتخافون عليهم كأخواتكم .......حتى ان لم تتعاملو معهم اكيد لما يحتاجوكم في خدمة او مصلحة يلجألوكم انتو الاولين باش تساعدوهم ,,,,,, بالصراحة اني سافرت هلبة مع اهلي طبعا مش لدراسة لكن لاحظت ان الشباب الليبي اطيب الناس واحسنهم في المعاملة مع الليبين وغير الليبين بالرغم اني بعيدة على التعامل مع الشباب سواء ليبين اوغير ليبين لكن بمجرد انهم يشوفوك في مشكلة وتحتاج مساعدة فهما سباقين للخير وعمل الخير

هده مرور بسيط مواطن انشاء الله ليا عودة في اعطاء الرأي في الموضوع هدا بشكل اوسع

السلام عليكم
مشكور مواطن على الموضوع الحساس والمهم لان هذى ولت ظاهرة منتشرة بشكل كبير في اغلب الدول واصبحت البنت الليبية المحترمة المحتشمة سلعة رخيصة لاغلب الاخوة العرب واللاسف هدا مش عندكم في مصر بس اى دولة تمشيلها تلقا البنات الليبيات بنفس الطريقة مع انى لحظات ان الشاب الليبي ايعامل فيها بكل ود واحترام وادب ويحاول ايساعدها بكل ما يقدر ويحاول انه ايكون ليها سند في الغربة لكن هي لما تشوف شاب ليبي تقول شافت عزرائيل والعياد بالله
وهدا للاسف ايعود لعدة اسباب اهمها انعدام الاخلاق وعدم الوعى منهن
وتانى شي البنت توا تبي من يصرف عليها ويمللها جيبها للاسف وبالطبع الاخوة الخليجيين خصوصا في مصر غنيين عن التعريف

وبالله خوى مواطن لما تشوف وحدة من الاخوات هدم كلهم يا شارب اللبن مرجوعك للمى
يعنى انت خوك الليبي وين هاربة منه هو نصيبك وهو اكتر واحد في الغربة تهمه مصلحته هلى انت مش عارفتها لانك توا مهتما بالتعارف وكيف تقضى اكتر وقت خارج ليبيا بشكل ممتع بالنسبا ليك

وياريت كل من عنده بنت او اخت تدرس او تدهور برا ايحاول ميخلهاش بروحها لان هدى احد الاسباب هلى زادت في انحراف البنت الليبيا خارج بلادها وحتى داخل بلادها

وربي يصلح حال الكل بنات و اولاد ويردهم لاهلهم سالمين يا رب

انشاء الله يامواطن حيبقى راسكم مرفوع زي مافي بنات من النوع اللي تحكي عليه في نفس الوقت في بنات يشرفوكم بأنهم ليبيات ,,,,,, واني عند كلامي حنعطيك راي بتوسع اكثر ,,,,,بالرغم كتبته بالتفصيل لكن دارها فيا النت لما بنرسل المشاركة فصل النت وضاع اللي كتبته كله انشاء الله نحصل وفت تاني ونكتب من جديد ........... تحياتي مواطن

معقوله بنات ليبيا بها الشكل هذا بره من بلادهم شي مؤسف والله بس ليش هكى صراحة مواطن صدمنى

الموضوع

مش عارفه كيف بالعكس المفروض الوحده بعد تشوف ولد بلادها تفرح لانه هوا الى بحسها وبقدرها ويوقف

جنبها بس يامواطن سيورهم يجيهم يوم مايلقو الا اولاد بلادهن الخليجيين مش دايميلهن وانا مش عارفه

شن معجبهم في الخليجين بالعكس هما الى ماعندهمش احترام ومايقدروش فى المراه و البنت هذا لبنات

بلادهم امالا فى الغريبات كيف بالتاكيد ينظرولهن باستحقار

بجد مواطن موضوعك مؤسف حقيقة ومش عارفه شن نقولك وشن نرد عليك

مانقولو الى ربى يهدى هالبنات هذين ويحنن قلوبهم على اولاد بلادهن والله الوحده تمشى لاخر الدنيا

مش حتلاقى زي اولاد بلادها مايستاهلو اللبيين المعامله هادى فى الغربه حرام والله حتى لو كانو مش

كويسين فى النهاية مابتحملو فى بنات بلادهن

ومشكور جدا جدا مواطن على طرحك للموضوع لانك اتحتلنا الفرصه بانه ناقشو فيه معاك

تقبل مروووووووووووووووووورى

مشكووورة قطر الندى على كلامك

بس هادي الحقيقيه المرة

الله غالب

لو اتجي للغربه يا ماااا اتشوفي


الله غالب وخلاص


ربي يهديهم

و زي ما قلتوا توا يمشووا يمشوا ويرجعوا لي بلادهم



مشكووورة قطر الندى على مرووورك