رسالة : عذرا ســــيتم اغلاق المنتدى للابـــــــــــد !!!!

الــســلامـ عـلـيـكـمـ ورحـمـة الله وبــركــاتـــة

عذراًً سيتم إغلاق المنتدى للأبد

من خلال هذه المنتدى عرفناكم .. وعرفتمونا

منتدى التميز والإبداع مع بساطتنا .

و لا ننكر ان كثير ٌ منا تعلقت أرواحهم بصفحات المنتدى

حتى أولئك الذين رحلوا الى اليوم بعضهم يتصفح عن بعد

وبعضهم يسجلون بأسماء جديدة

وكأن قلوبهم أبت الرحيل

فليس بالسهل على الإنسان ان يفارق من يحب

والأشياء أحيانا تمثل لنا ما يمثله البشر فلنا هنا

كثير ٌ من الذكريات .. ولنا هنا أجزاء من الذات

نثرناها في خطوط ٍ وحروف

فماذا لو

أتتك رساله تقول

عذراً تم إغلاق المنتدى للأبد

وأردت أن تتصفح فتجد

عذراً المنتدى مغلق للأبد

كيف ستشعر بعد الفترة التي قضيتها مع اعضاء المنتدى الرائع

وصفحاتنا التي كرسنا بها جهودنا

تصبح صفحة بيضاء خاليه

كُتب عليها

عذراً تم إغلاق المنتدى إلى الأبد

أنتظر تعليقاتكم

ايه والله يامواطن صارلي الموقف هذا في منتدى لمنا وجمعنا كعائلة واحده
وقعدنا ملتمين فيه قريب سنة لكن بعدين تم حذفه المنتدى للأبد
الحق وجعني هلبه المنتدى لأنه حسيت كأني في حوشي وبين أهلي وخوتي
لكن الحمد لله ربي عوضنا عليه واشتركنا بالمنتدى ذكريات زمان
والاصدقاء إلا كانو في المنتدى المحذوف اشتركو هني لكن فيه بعض الاعضاء
فقدناهم ومش بعيد للأبد منهم العضو المحترم واللبق ( العماري) ربي يوفقه

والحمد لله ربي غننا ولتمينا من جديد وتعرفنا على عضو محترم الا هو حضرتك يامواطن
ربي يحفظك ومايحرمنا منك ولا انكر باقي الاعضاء مثل (نمر بن عدوان - زهرة - ندا - يسرا - قطر الندى- عليا- المزيونه - العلا -احمد يوسف- وغيرهم أن شاء الله مانكون نسيت حد لأنه بالفعل تبارك الرحمن اعضاء نتمنى أن نكون دوماً مع بعض .
ربي مايغيب علينا حد ومايحرمنا من بعضنا

وشكراً مواطن على الموضوع الراااااااائع

مشكور مواطن على هدا الموضوع
فعلا شى يوجع لم تلقى المنتدى مغلق يعنى كل ماتعرفت عليهم من اصدقاء واخوات قد ابتعدو عنك فجه ودون اعلام
وان شاء الله ربى مابحرمنا منك وكما قالت اختى اسلام لقد تعرفنا على ناس ماشاء الله ومن صعب مفارقتهم

ايه صح اسلام والله الموقف هذا صار للاغلبيه والمنتدى هذا تاترنا بيه عندما سمعنا بانه تم حذفه

للاسف الشديد منتدى لم جميع الناس من كل مكان يلا معليشى ربى عوضنا بمنتديات تانيه

والمشكله بالدات بعد الواحد يتعرف على اشخاص محترمين ويحبهم وتعلق بيهم فصعب جدا جدا بعد

الواحد يجيه يوم انه معاش يقدر يواصل هالاشخاص من خلال هذا المنتدى

ونتمنى انه الموقف معاش يتكرر ان شاءالله

بس الحمد لله فى اعضاء تلاقيت معاهم فى منتدى ذكريات وفى منتدى تانى وربى يلم شملنا جميعا

وانا عن نفسى مش متخيله فى يوم من الايام انه تجينى هالرساله هادى فى منتدى ذكريات

لانى تعودت عليه ودرت عليه كبد ههههههههههههههههههههههههه والله اليوم الى مانفتحش

عليه انحس فى حاجه ناقصتنى لانه منتدى جميل ويهبللللللل وفى اعضاء محترمين وحبوبين

وان شاءالله مايفرقنا هذا المنتدى لكى نكون اسره واحده متعاونه ومتحابه على فعل الخير

ومشكوووووووور جدا جدا خوي مواطن على موضوعك الاكتر من جميل ورائع والله مش عارفه كيف

بنشكرك عليه

تقبل مرووووووووووووووووورى

شكرا ليكم اخوتي

اسلام --- نمر --- قطر الندى

بصراحة احرجتوني بي كلامكم

لكن بنقول حاجه و ما تزعلوش مني

اني فرحت توا لما سمعت ان عندكم منتدى واتسكر

لان لو ما اتسكرش ما كانش فيه منتدى ذكرايات زماني

ولا كنت اعرفت الناس الطيبة هادي اللي زيكم

بصراحه الحمد لله

-----------------------------

المدة اللي فاتت كنت نتسائل

ليش موجودة العبارة هادي تحت اللي مبينه في الصورة

رسالة : عذرا ســــيتم اغلاق المنتدى للابـــــــــــد !!!! RAK92284

فسألت يمين و يسار

وكان الجواب واحد

ان الموقع هدا استغلالي

؟؟؟؟؟؟؟؟؟؟؟؟؟؟؟؟؟؟؟؟؟؟

يبي المنتدى يمتلئ بالناس

لغاية ما يوصل الى رقم معين ويحس ان اللي فيه ما يستغنوش عنه

بعدين يبعتوا للادمن رساله

يقولوله معش نقدروا متلا نستوعبوا الاعداد هادي

او فترة المجانية انتهت

المهم سبب باش ايخلوا المنتدى بالفلوس

وفي نفس الوقت طول فترة المجانية هما مستغلين الموقع بالاعلانات

وحاجات تانيه هلبا

فتوقعوا في اي وقت ممكن ايصير الشي هدا

وان شاء الله ما ايصير ولا ايفرقنا عنكم

يا ريت لو حد عنده اي ايجابه تانيه ايطمني

شكرا ليكم مرة اخرى اخوتي

وربي ما يحرمنا منكم

بصراحة الرسالة مزعجة هلبة لانى معنديش قدرة على تحمل الفراق من جديد

اوووووووووووه ربي يعوضكم خير ان شاء الله اللي كنتم في المنتدى السابق واللي تم إغلاقه

بجد والله خوفتوني ومش عارفة كيف بندير لو انه بالفعل هذا مابيصير
لا بالله عليكم لازم تلاقو حل وبسرعة أنا مش مستعدة إني نخسركم والله

ندى --- عليا

ولا احني عندنا القدرة نستقبلوا رسائل زي هادي

ولا نقدروا على خسارة الناس الطيبه

بس هدا الواقع شن بنديروا الله غالب

لا مواطن بالله عليكم ديروا حل Sad

ان شاء الله خير اختي عليا

يستر الله

ياريت الا عنده منتدى ثاني يقولنا عليه باش ما يصيرنا زي المنتدى الاول
والبنات لو فيه امكانية يبعثونا أرقام تلفوناتهم باش مانتفارقو
تعودنا عليكم معاش فيها كيف
وقداش تأثرت لما تسكر المنتدى الاول وخسرنا عضو محترم للمليون اسمه العماري
خسارة كبيرة خسرتها والله
أن شاء الله مانتفارقو إلى بالخير ياااااااااااارب

» رسالة عتاب للجميع
» رسالة ان قرأتها تكره الدنيا‎
» رسالة غرامية من طالب بالثانوية القسم العلمي
» شجرة المنتدى
» مبارك المنتدى