رنه برنه ,,راهي الحياة حلوة تريد محنه؟؟؟؟؟؟؟؟؟؟

[size=16]ندخللكم في الموضوع بدون مقدمات ومن الاخير.....

توا الكل يعرف انه الله سبحانه وتعالى وصانا بصلة الرحم والجار والصحبة والرفقه الطيبة,يعني نسألوا على بعض ونحكوا مع بعض ونعرفوا اخبار بعض واللي يمرض نمشوا ليه لحوشه ونزوروه ونطمنوا عليه شبه يومي ومانملوش من السؤال على صاحبنا وحبيبنا وقريبنا..

وزمان كان بيت الجد مشاء الله عاااامر كان في رمضان او كبيرة او عشورة تلاقي الكل مجتمعين وهذيك الزيطه وهرجه الصغار ومحلاااها من حياة..اولاد الخال مع ولاد الخالات والعمام زي الخوت ونعرفوا اخبار بعض ومع بعض باستمرار...

ياجماعه باهي هذا كان زماااااااااااان

وتوا شني تغير في الموضوع [img:e060]http://www.libyasons.com/vb/images/smilies/poster_spam[1].gif[/img:e060]

يعني توا الموبايلات غيروا طباعنا ولا شني بالزبط توا يمر العيد ماتلاقي حد خبط على باب الحوش باش يعيد وانت تكمل يوم العيد نوم وتقول يالله ماعندي وين ماشي ,وتبدا مريض بالشهور ماتلاقي من يزورك ويطمن على صحتك ,وبعد ما تتلاقى مع اقاربك حتى في الشارع تبدا تشيرله بيدك تقول ملاقي انسان عااادي وهو يعاتب عليك من بعيد ويقولك وينك ماتسأل حتى برنــــــــــــــــــــــه..؟؟؟؟؟؟؟؟رنه بس عشان نطمنوا عليك انك حي ...؟؟معقوووولة ,توا بنطمن على صاحبي برنه او مسج يارب حتى المسج مستخسرينه في بعض رنه ومرات نقولوا لا واااجد نخافوا يفتح علينا[img:e060]http://www.libyasons.com/vb/images/smilies/poster_spam[1].gif[/img:e060]وتريح علينا الرنه.

يعني ياجماعه بالله عليكم توا الرنه بدت صلة رحم من نوع تكنلوجي جديد ولا شني بالزبط؟؟؟؟؟؟؟؟؟؟

فهموني تره .....؟؟
[/size]

</FONT></B>منقووووووول

والله كلامك صح يانمــــــــــر

مش عارفه ليش هكى الناس تغيرت مش كيف زمان والتغير صار فى السنوات هادى بالدات وكل سنه يزيد اكتر
والمشكله انه مرات الواحد تبدا فى نفس المنطقه انت وياه ماتشوفه الا بالسنه ياترى من الى تغير الناس او الزمن الى خلى الناس ماتسالش وتحقد على بعضها وزى ماقلت حتى الرنات بدو يستخسرو فيهن والقهره الكبيره انه الواحد مرات رنه مايديرها ليك الا بعد انت تديرلها ليه للاسف مادارن خير هالتلفونات الى خلن الناس تحاكر و تخسر بعضها
وهوا بالعكس بعد زادت الحضاره زاد الحقد والكره بين الناس ومرات تلاقى مع قريب ليك ولا كانه يعرفك او يكلمك على راس خشمه وينى بالله صلة الرحم!!!!!!!
فى بعض ناس العباره هادى خدوها بالعكس مانقول الا انشاءالله ربى يحنن قلوبهم على بعضهم
(وقال رسول الله صلى الله عليه وسلم يا أيها الناس أفشوا السلام وأطعموا الطعام وصلـــــوا الأرحـام وصلوا بالليل والناس نيام تدخلوا الجنة بسلام)
وعن ابى هريرة رضى الله عنه انارسول الله قال( من كان يؤمن بالله واليوم الآخر فليكرم ضيفه ومن كان يؤمن بالله واليوم الآخر فليصل رحمه ومن كان يؤمن بالله واليوم الآخر فليقل خيرا أو ليصمت )
واخبرنا بانه صلة الرحم متعلقه بالعرش من واصلها واصله الله ومن قاطعها قاطعه الله
نسال الله ان يعيننا جميعا على صلة الرحم

مشكور نمور على مواضيعك الحلوه والمتميزه وماننحرم منك
تقبل مرووووووووووورى

بارك الله فيك نمر على الموضوع
والشكر الجزيل قطر على الاضافة الرائعة وكلامكم مزبوط وصحيح وهذا الا شفته من بعض الاصدقاء

يانمر وياقطر الندى (( نبي منك جواب مقنع ))

بالله عليكم قداش منه الواحد يتصل مرة اثنين عشرة والطرف الثاني مش مدور ولا معدل
والحمد لله فيه تلفونات ارضية لو ميبيش يخسر أنه يتصل بالنقال
على شني يدل هذا يدل على أنه الطرف الثاني معاش يبيك تتصل بيه ولما نقوله خيرك ماتسأل ولا تتصل يقولك مشغول ومش فاضي ولا مهناش نطلع ..... الخ ، زعمه كل يوم مش فاضي ويطلع ولا يتهرب ؟؟

عموما الواحد يعمل بأصله وبتربيته وأني من النوع نحب نسأل وننشد على احبابي واصحابي

مع الشكر الجزيل للموضوع الا جي على الجرح
ومنبيش حد يزعل من صراحتي

العفو اسلام بارك الله فيـــــــــــك

صح عندك الحق بالدات بعد يكون الطرف التانى مش معدل والله ماحد احسن من حد بيضطر الواحد انه يقصر فى السؤال عنا وزي ماقلتى الحمد لله انه فى تلفونات ارضيه الواحد ماعنداش اي سبله لاكن الله غالب الناس قست على بعضها شاغلتهم هالدنيا وربك يهديهم

الله غالب النفوس والبشر هيا الي تغيرت مش وجود النقالات بالعكس هذا المفروض يقرب الناس لبعضها وزي ماقالت اختي اسلام الواحد يدير بأصله وسيورها الدنيا فانيه وماحد دايم وهذا يدل على نبل اخلاقك يا اسلام واصلك الكريم وانا نفس الشي مرات نرن على ناس وماتردش ولا كانه فيه شخص يعبرك بس سيوره يندم ويجي يوم يعرف قيمتك سواء صديق او قريب
ومشكور خوي نمر على الموضوع

مشكورين على مروركم العطر التى يتلج صدور

» هل تريد أن ترتاح نفسياً
» غرف نوم حلوة
» خلفيات رومانسية حلوة
» هل تريد ان ترى رؤيا صالحه صادقه باذن الله (اداب النوم على السنه النبويه المطهره)
» لا يأس مع الحياة