ليكم وحشة ............. ياأخوانى ..

كيف حالكم وشنى احباركم ... ستاحشتكم موت وستاحشت الجو الحلو متع المنتدى ..
اسفة على الانقطاع
مريت بظرروف صحية تعبتنى هلبة, بس الحمد الله توا احسن وقاعدة فى الحوش اجازة
وحنولى نخش نشوفكم شنى كتبتوا مرة مرة ..
مواضيعكم حلوة كلها مريت على الاغلبية بدون استتناء وكلها مواضيع عايشينها فى واقعنا
الله يبارك فيكم ..كلكم..

الحمد لله .... كيف حالك انتي
الحمد لله على السلامه
ان شاء الله لباس عليك بس


وربي اينوضك بالسلامه يا رب

والله حتى انتي ليك وحشه يا زيزي
احني والله اللي اسافين اللي ما سألنا ممكن بعض الاصدقاء سألوا
بس الحق اني هكي عندي شوية ظروف ما نعتني حتى من التفكير في نفسي ......

وان شاء الله ترجعي زي قبل واحسن واني وباقي الاعضاء نتمنولك الشفاء العاجل يا رب

الف حمدلله على سلامتك يا زيزى

طهورا ان شاء الله

وحده وحده عليك استردى عافيتك والمواضيع والمنتدى واهل المنتدى فى انتظارك

والله يعافيك

حمد لله على سلامتك زيزى وربي ايقومك بالسلامة والله انت ليك وحشة ومخليا مكانك في المنتدى وربي ما يحرمنا من تواجدك الجميل بينا

الحمد لله زيزى بخير كيف حالك انتى ؟
والحمد لله على سلامتك ماتشوفى شر
وحتى انتى ليك وحشه مخليه مكان وان شاءالله ترجعى للمنتدى بالصحه والعافيه يارب

الحمد لله على سلامتك يازيزي والله فقداناك ومنحسابك مريضة أن شاء الله لابأس عليك وماتشوفي شر
وربي يونسنا بيك وخليتي مكانك خدتكم عين الباين
عليا كانت في تونس تعالج وانتي مريضة وربي يستر وخلاص
أن شاء الله اعضاء المنتدى يكونو في أحسن حال وبصحة وسلامة وربي مايفرقنا من بعض
والا ناوينا الشر ربي يوقعه فيه

اللهم أمين
وأنستينا وشرفتينا بقدومك يازيزي

لاباس عليك يازيزو وان شاء الله متشوفي شر
ونحمد الله على سلامتك
وحني والمنتدى وكل الاعضاء نستنوا في طلتك الحلوة علينا
وربي مايغيبك ويحفظك ان شاء الله