شوفوا الرجال كيف يدلعون زوجاتهم؟؟على حسب الوظيفه!

سلاآآآآآآم
شوفوا كيف الرجال يدلعون زوجاتهم .. كل واحد على حسب وظيفته!!

1- الرسام : يا اجمل لوحه


2- التاجر : يا اغلى بضاعه


3- الموسيقي : يا احلى نغمه


4- الطبيب: يادواء القلوب


5- الصيدلي : يا بلسم الفؤاد


6- رجل العقار : يا ازين استثمار


7- العسكري : يا سندي ومدفعي


8- الصائغ : يا عقد ثمين


9- بائع المكسرات : يا لوزه


10- الفلكي : يانجمتي


11- المحامي : يا سجن قلبي


12- الشاعر : يا قصيدتي


13- الموظف : يا راتبي كله


14- البقال : يا عسل


15- الخباز : يا ناري


16- بائع العطور : يا دهن العود


17- النجار : يا مسمار قلبي


18- الزبال : يا احلى قوطي ( علبه )


19- صياد البحر: يا محاره


20- صياد البر : يا غزالي


21- البنشري : يا رقعة من قلبي


22- مدرس اللغه : يا احلى جمله


23- بايع الفواكه : ياموزه مقشره


24- موظف الاتصالات : ياسماعه حبي


25-موظف الكهرباء: ياعداد قلبي



اللي ماعنده وظيفة :: ( يا احلى ملف أخضر علاقي )

منـــــــــــــــــــــــــــــــــــــقول

ههههههههههههههه
المهندس يا اسلام
ممكن يا ديكور حياتى


تسلمى قطر الندى حلوههههه

الله يسلمك يسرا ومشكورات على المرور

قطر خليك واقعية ............... هو الراجل الليبى يعرف ايدلع اصلا ؟ اكيد تتكلمى على المصريين ولة السوريين بس مش حد تانى عفوا

عفوا :::: زيزي
لو ما عندكش تقه في رجال بلادك يا ريت تمشي برا شويا
واتشوفي ولو عجباتك العيشه برا شوفيلك حد تتزوجيه احسن من اي بلاد تانيه زي المصريين والا السوريين اللي عاجبينك
انتي متقفه هلبا في المسلسلات شكلك وتتفرجي هلبا عليهم
تعالي لي مصر وشوفي الواقع
انا عايش ما بينهم 5 سنوات ونعرفهم
**********
الليبي يوم ايحب يعرف كيف ايحب
ممكن فيه خيانات تلقيها فيهم
لكن صدقيني يوم ايخون هوا اعرفي انه فيه شي صار غلط
واحني الليبين لما انحبوا انحبوا بكل شي ونصدقوا في الحب
والليبي كان دلعك شويا بتركبي فوق راسه كيف تبيه ايدلعك بعدين

***************
ليبيا اتأترت هلبا بالتقافات المصريه والسوريه والتركيه ومن قبلها المكسيكية
***************
اقسم بالله لما انسافر انقووول الحمد لله الحمد لله بلادنا مزال فيها الخير

مهازل في البلدان التانيه
قولي الحمد لله ,,,انتي ليبية

............

شكرا قطر الندى
بس انا اتحمست لاني ليبي وانحب ليبيا مهما كان فيها عيوب او اي شي

تقبلي مرووووري
.........

الحمد لله جيت ليبي

ماينكر اصله غير الكلب .....طبعا حشاك بالهلبة يامواطن بس انى شبه منتفرجش عالتلفزيون لانى نخدم طول اليوم ولما نقول ان الراجل الليبى مايعرفش يدلع يعنى كلامى مجاش من فراغ ولة تسحابنى مشفتش غير ليبيا , وانى مش من النوع اللى يتأتر بالمسلسلات لكن نتأتر بالواقع الليبى , برا شوف منى اللى يربى ويصرف ويعانى ويوصل فى صغاره لين يكبروا ويولوا كبار , وبرا شوف الرجالة الليبيين والعار اللى مدايرينا غر يوم الخميس بالشرب ومن غير اللى مدايرينا برا فى تونس مصر الاردن المغرب مالطا فرنسا بريطانيا وغيرها وهدا كله شفته بعينى مش حد قالهولى ....
ونحى من بالك ان الواقع هذا مفرحنى بالعكس كنت نتمنى ان ولاد بلادى يكونو الاحسن فى كل شى وانى باش تعرف انسانة عنصرية فوق الوصف ونحب بلادى هلبة

حشاك السو هدا اول شي
بالنسبه لي كلامك صح اللي اتقولي فيه
بس هدا من شني
نقص في التربيه
اني بروحي شفته اللي اتقولي فيه

مهما كان لازلنا الاحسن والحمد لله

السلام عليكم ورحمه الله وبركاته

طبعا اعذرونى جميعا لانى سبق وشاركت فى هذا الموضوع من قبل

الا ان الصدفه ادخلتنى لارى هذا الحديث

اخى مواطن عزيزتى زيزى
عارفه انه الموضوع مش اكثر من مجرد دردشه وابداء للراى
واحنى كلنا عارفين كويس البلاد ونضحكوا على يضحك ونبكو على اللى يبكى
خلو الطابق مستور
طبعا الرجل الليبى زيه زى اى رجل فى العالم واعتقد اذا مش مؤكد اكثر

اى نعم اكثر حب لحبيبته وزوجته
طبعا نحى من الاحصائيه البعض والقله
النشاز اللى الله يهديهم وزى مافى رجال هكى فى حتى نساوين هكى
يعنى القاعده مش مختصه بالرجال وفقط

بس مشكلته شى واحد فقط الا وهو التعبير عن هذا الحب وهذا مش ذنبه باالعكس ذنب العادات وتقاليد اللى تربينا عليها
بس الحب تقدرى تلاحضيه فى الاحساس المشاعر والتصرفات والخوف والغيريه

بس لو تجى تشوفوا حوالينكم قداش حنيته على صغاره وزوجته ويساعد فيها ويراعى فيها وقت التعب والمرض
وخوفه عليها من كل شى

وغيريته عليها وعلى اهله

والله ولد بلادى ولا يعلى عليه
اما كونه الرجل المصرى او السورى فأنى نقولك علاش تحسى فيه هوا اللى يحب ويدلع لسبب بسيط

الا وهو اللهجه

نعم اللهجه السوريه والمصريه اخف من لهجتنا الليبيه اللى بينى وبينكم رزينه صح زى البلوك لكن
منقدروش نقولو شينه
ومايجيش المزاح او الضحك او الجديات الا بيها وبس


وفى اخر كلامى نقول انى نحترم كل الاراء
وكلنا خوت وصغار بلاد ومحدش يقصد حاجه شينه للتانى

ويعطيك ربى يا مواطن مرا حرفه زى المصريات لما يفشخو رجالتهم

وانت اكيد عارفهم كيف

ويعطيك يا زيزى ولد حلال ليبى زى العسل الربيعى


تقبلو منى هذا الاهداء

https://www.youtube.com/watch?v=E4WAEEWn1sY&NR=1

تسلمى الف مرة ياعسل والله محلاك ومحله كلامك
وشكرا هلبة عالاهداء

هههههههههههههههه
شكرا والله يا يسرا
كلامك زينة العقل

وبالنسبه للمرا هههههههههههههههههههههه
معش ولت مرا اللي اتفشخ في راجلها هادي



ويا ريت انتي توا تقبلي مني الاهداء هدا
https://www.youtube.com/watch?v=9H6P38Osx5M

محلاه يا مواطن والله يسلمك
يا ولد بلادى

وينجى ويرفع اسم وسمعه الليبين فوق

السماء

ويشرفنا بيهم

باهى باه انا نبيكم تضحكووووووووو وانتم قلبتوها جدال مافيش حد اضحك عليها
وعموما كلامكم كله على عينى وراسى
ومشكووووووووورين ياحلوين على مروركم

اسمعوني كلكم والله والله والله والله ماتعرفو قيمه الليبي وبلادك ليبيا إلا لما تسافر وتتغرب أنشدوني عليها الغربة عذاااااااااااااااااااااب رهيييييييييييييييييييييييب
الله لا توريها الغربة لعدو
بلادي هيا بلادي وناسها هما الخير والبركة والليبين مافيش زيهم في الطيبة وناس أصل
ولد بلادي مانبيشي ايدلعني المهم يرضى عليه
والحمد لله الا جيت ليبيه

هههههههههههههههههههههههههههههههههههههههههههه
يلا جو قطر الندى
اسفين بس الحماس هيااللي خلتنا نتكلموا من غير ضحك
لان بجد اني انغار على بلادي هلبا بنقولك المعلومه هادي

اني واحد من 4 اشخاص متلنا ليبيا في معرض دولي السنه اللي فاتت في جامعة 6 اكتوبر
هوا المعرض التراثي لثقافي المسيقي وفيه كتب واكلات شعبيه يعني يعبر عن ليبيا
وجبنا المركز الاول مناصفة مع قطر ما بين 33 دوله
مع العلم انا احني درناها اغلب المصاريف على حسابنا الشخصي
والسنة هادي ما قدرناش انديروا اي شي لان بجد فلسنا وماعندنا القدرة انديروا اي شي و حاولنا ناخدوا مساعدات من كل الجهات بس لا حياة لمن تنادي الله غالب
************
ان شاء الله السنه الجاية غير

العفو الياسمين واسعدنى مرورك العطر

مواطن عادى ولا يهمك وربى يخليك لبلادك ان شاءالله وفرحتنى بالمعلومه هدى فى تمتيلك لبلادك وان شاءالله بالنجاح والتوفيق
وباذن الله السنه الجايه تمتل بلادك احسن تمتيل مشكور مشكور مواطن وربى يعطيك الصحه والعافيه ياخوى واسفه توا شفت الكلام الى كتبته

ههههههههههههههههههههههههههههههههههههههههههههههههههه

لالا عادي والله عادي واني غير نفضى شويا تو انزل حتى صور للمعرض
والله هدا اقل شي نقدروا انديروووه لي بلادنا

وشكرا ليك قطر الندى