الشاعر ونقاله البيلة

الشاعر

لــو كان ماهيش لفلوس قـليــله ... لانـــاخـــدك ولا نــقربك يا بيـــله

لــو كان مـــــوش مـــــفـــلــــــس ... والفكر خاطي والدماغ إمـــلـــس

لا نرافقك ولا معاك يوم إنــجلــس ... إنخليك زي السعي في الحبيلة

ونندم على لفلوس وقت إنخــلص ... في شركتك والسوق وني ماشيله

مـــــــاعــــاد مــــنـــك ســمــــره ... ومن هو لي على شانك بيفني عمره

لافيك رنــه باهــيــه لا كـــامــيــــرا ... لا صـــوت باهــي بـقـدرتـك تـسجيله

لا ألوان زرقه في شاشتك لا حمره ... لا خــضـر ولا عنــدك ألــوان جميــله



رد البيله وقال


هــــــــادي عــــقــــاب الـعــشـره ... وقداش منك ما سمعتش بشره

بنحكي عليك بندكرك في نشره ... ويـــبـــدوا عــليــك يــعيبــوا لعويله



رد الشاعر وقال



مـــــــــــوديــــلك خــــــــــــــــــــلاص ..... ثــم وفـــات ونــساتـــه نـــــاس

لا ميـــزات ولا عــنـــدك خـــــــــواص ... وحتى السيعه في وسطك قليله

إن شاء الله إطيح تــتــفــتـرك أنفاص ... بــاش مــعاش في إيديا إنشيله



رد عليه البيله



يـــــامـــــا وقـــــفـــت مــــــعــــــــاك ... وقــداش مــتـحمل علي سبــاك

وقـــداش منك طــحت فوق إستاك ... وكل شي فيا شي ما طــاريــلــه

خايف عليك ان كاني نــخــطـــاك ... تـــقــــعد بلا هــاتف إسنين طويله



الشاعر



مــــــــا فــــيـــــكش صـــــــــــور ... لا بــلــوثوث ولا مــــنــظـــر يـــســـــر

نـــبــي إندير زي عــمي عــمـر ... هــاتــف سمح ما هناكش مــثيــلــه

إندنداك وينهم ؟؟جيلك اغــبــر ... نـــبــــي إنــديــر مـــطــور في جــيـله



البيله



الـــمــهــم صــوتــي صـــــافي ... ونــرســل ونــســتــقــبــل وهــدا كــافي

وقت الفلس تجري قدايا لافي ... ويــامــا في تــعبــاتي سهــرت في ليله

وتوا بعد طول سنين تـــجافي ... وشــكــلي كـرهــتــه ونـــتـك تـبديله ؟؟؟


الشاعر



مـــا فـــيـــكــــش أنـــغـــــــام ... لا تـــــســجـــــيـــــل صـــــــــوره لا كــــــلام

إنت في الاصل تركانك حــرام ... راك إشــرفـــت وإنـــحـــرقـــت الــبــــيـــلـــه

إنحطك خير في وسط الاكوام ... بـــيـــعك لــيــش واسـعــارك هــزيــلــه !!!



رد البيله



عـــــقـــــابـــهـــا تــنــســانــي ... وتــمــشــي تــغــيــرني بــواحد ثــاني ؟؟!!!

من قبل ياما كنت فيك إنعاني ... وكــل مــن نــشــدنــي مــا نـبـي نـحـكيـله

ومادام بادي في ملامك راني ... مـــــــــــــا نـــقــبـــلك لــو قــلــت بــنــولـيـله



الشاعر




فـي الاخـر انقولك ما تزعلش هدي ...انـــبـــصر شــي ما نــحــكي بـجـدي

لــيــك الــحــق مــا يـنـقـصش ودي ... وطــول الــعــمر مــا نـنـسى زويــلــه

إمــغـــير نــشــوف فــي ردك وردي ... ورد الــغــيـر مـن كـيـفـي إطــريــلــــه

حــــــــقـــــــك الــــيــــوم عــلـــيــا ... فــيــمــا دكــرت وقـلـت يــــا غــــاليــا

مــازال يــا بــيــله لــقلــوب وفـيـه ... ومــازال تــجــمــعـنا أطـبـاع أصـيــلــه

ومـــازلت راني معاك صافي النيه ... وموحال اني ننساك بــأي وســيــلــه



لو كان ما هيش لفلوس قــليله ... لا نــاخـــدك ولا نــقــربـــك يـــا بــيــلـه