عبارة أنتي عانس !! هل هي حكم إعدام مع وقف التنفيذ ! للنقاش

تحياتي

كلام على العين والراس بس اللى تربة فى حوش اماليها على الاحترام والحنية وكانت مراء بكل ماتحمله من كلمة فمن الصعب انها تقبل باللى نسموهم اليوم ( اشباه الرجال )
وانى شخصيا نقول ( اللهم نقعد فى حوش اماليه معززة مكرمة ولة نطلع باش ننهان ونقعد عند واحد مايعرفش قيمتى ) ومن غير هكى الزواج قسمة ونصيب بس المجتمع مش فاهم معنى الكلمة هادى . يعنى مرات تبدا بنت مش ناقصها شى ومتتزوجش لان ربى هكى كاتبلها .....
وربى يستر على كل بنية ................

والله للاسف الى يستعمل فى العباره هدى انسان متخلف وجاهل لانه هذا الزواج بايد ربى العالمين والكلمه هدى بعض الناس يقولو فيها ومرات يقولو فيها باستهزاء والناس هدى ماخطم عليها الدين حتى بالكدب ماتحسابس كل حاجه بمشيئة واذن الله
وكان ربى مكتب للبنت انها ماتتزوجش خلاص الله غالب عليها هدا مش بايدها ولا يبوها هيا الى تمشى تدور الراجل وشنى هدا كله على حاجه اسمها زواج ريت والله هالحاجه الكبيره بالنسبه ليا انا شخصيا لو ماتزوجت عادى جدا جدا لانى راضيه على الى امكتبه ليا ربى ومافيش احلى من العزوبيه ههههههههههههههههه
وزى ماقالت زيزى مرات الوحده تقعد فى حوش هلها احسن من انها تتتزوج واحد يهينها او مايقدرها وعندنا بعض العرض طبعا فى بلادنا مايستحقش نتكلمو
وانا مش عارفه ليش العباره هدى تطلق على الفتاة بس ماهو فى شباب كبار ومش متجوزين المفروض حتى هما يقولوها ليهم فالحين غير كل حاجه عالبنت بس
ياريت هالناس الى تستعمل فى العباره هدى انهم يبطلوها ومانقولو الاربى يهديهم هالجاهلين
مشكوووره يااحلى عليا على الموضوع الرائع والنقاش الساخن
تقبلى مرورى

عارفه اني العباره هذي اساسا مانحبهاش لاني نشوفها انها عباره غير اخلاقيه وعباره تقال لانسان زيك زيه من دم ولحم وان البنت توا قعدت من سن العشرينات ومازالت صغيره فيه بعض الجاهلين يطلقو عليها هذي الكلمه وبما ان كل الشبابنا المحترمين مساهمين وانا نسمع فيها للاسف من الشباب اكثر من البنات قعدو يتزوجوا بنات ال19 وتحت معناها الي اكبر خلاص ومش يحسابو ان كل شي بيد ربي مرات بين يوم وليله يجي النصيب وفي النهايه الدنياقسمه و نصيب فيها الي يجي بدري وفيه الي متاخر وكل انسان ربي يحبه يعطيه شي ولو البنت ماعندها نصيب ممكن هذا جزاءها في الاخره خير ربي يعطيها شي احسن والافضل ان كل انسان يتلفظ بهذا اللفظ عن استهزاء او غيره انه يشوف نفسه قبل ويراجع وفيه حتى الي تزوجو وتمنو انه عمرهم ماتزوجو وربي يهدي الجميع ويفتح على جميع بنات المسلمين مايتعرضوا لهالكلمه التي ليس لها معنى اساسا

أنه تعبير مبالغ فيه وغير واقعي ويدل عن جهل من يطلقه للسف شديد يرجع الى جهل
وزواج قسمه ونصيب وشى هدا بيد الله سبحانه وتعاله هو موزع الارزاق وكل شخص عنده نصيب لزم ياخده
هدى من ناحيت نضرى انى
تقبلو مرورى
نــــ بن ـــمــــ عدوان ـــــر

بصراحة اصبح مجتمعنا رغم تذوره مزال يحتفظ ببعض الافكار الغريبة
ومنها اتهام المراة بالعنوسة وكانها هي من اختار قدرها متناسين ان الامر قسمة ونصيب
ويجهلون ان الزواج هو حلم المراة والعنوسة لقب غريب يلصقه الناس بها
وربما يكون حكم قاسي عليها وخاصة عندما يكون من المقربين منها كاهلها واسرتها