ممكن دقيقة ؟؟

السلام عليكم و رحمة الله وبركاته ,,

خير شن الجو كيف حالكم شنو الأخبار ان شاء الله تمام ,, مشعارف انا كان انتو عارفين ان انا هوا نفسي AnGeL امتاع بنت ليبيا ولا لا ,, المهم انا هوا

مش مهم ,, المهم ,, انا اليوم و أعوذ بالله منا اليوم هضا و من كلمة انا ( يوم نشعارف كيف من جميع الجهات ) حتى هضا مش مهم لأن مش هضا موضوعنا

الموضوع او مافيه ان انا خشيت اليوم للشات المهم قعدت اشوية بعدها جاني إيقاف مفهمتش عليش بعدها جيت بنسأل نمر دارلي Kick Out المشكلة مش في الشات ولا في الإيقاف المشكلة هيا ان انا معرفتش شنو سبب المعاملة هذي بس


فا نبي نسأل ,, لأني فكرت هكي في الأول ,, واللي هيا ان فيه حد ايخش بنفس اسمي هضا في الشات ,, وايفلم وايقول في كلام مش تمام ( الله أعلم ) إن بعد الضن إثم

لو المشكلة هكي معليش اتقولولي عشان انكون فاهم روحي ,, كلا ان كل من هب او دب ايجي ايخش للشات يكتب الأسم اللي يعجبا وايهدرز على راحتا هذي ماتجيش ,, بجد لو فيه حد امداير هكي معناها يطعن في سمعتي ( عيني عينك )

مش مهم ,, المهم لو فيه سبب كيف ماقلت للتوقيف نبي نعرفا بس ,, مش مهم لا الشات ولا المنتدى لأني لو رديت اخرى بنجي انشوف شنو ردكم على الموضوع هضا بس ,, بعدها مش خاش اخرى ,, حتى هذي مش مهمة ,,

لو القيت رد اللهم بارك ,, لو القيت الموضوع محذوف تو نفهمها بروحي و نمشي في حالي او خلاص

بس لازم من الدفاع الجوي ,, لأني نعرفكم وانتو تعرفوني كويس ,, يعني لو فيه شخص دار حاجة بأسمي انا مش مسؤل عنها أبداً ,, بتاتاً ,, مستحيل خالص بكل عرم واجد ,,

والسلام عليكم

بالمناسبة ,, أساساً انا كنت جاي نسأل على حالكم او ماشي ,,مكنتش نبي انهدرز وان شاء الله اتكونو تمام ,, لأني كنت امسافر او هضا وين جيت

عليكم السلام ,, والله ايسلمك نمر ,, تسلم

سوري للسؤال بس ممكن الكلمة ؟؟ يعني انا راجعت الشات او مالقيتش حاجة عيب انقالت ,, يعني ممكن لو كتبتها مش مهم هنا حتى في رسالة خاصة و حقك عليا لو فيها غلط الكلمة انا أسف جداً ,, لو مفهومها غلط ممكن نكتبلك شنو المعنى لها عندنا في الشرق لأن كيف ماقلت

حتى كلمة ( عوجتك ) عندكم عادية و عندنا معناها كبير واجد و مش لايق بكل ,, سوري

وانا أسف مرة اخرى للي صار

خوى انجل بعتت يلى تبه فى رساله ليك
وحصل خير ان شاء الله