اللي مفتقد عضو يجي يسأل عنه هنا ...

اهلن بيك عليا من جديد بين اهلك وخوتك

اانا مفتقدة الغالية ملكة وتاجي حجابي كنت اانس بوجودها كل ما دخلت المنتدى
وافتقدها خارج المنتدى اخبارها منقطعة عني انشاء الله المانع خير
انشاء الله نسمع عنك اخبار طيبة

صباح الخير جميعا كيف حالكم انشاء الله بخير
ندا ميس الريم قطر الندى بارك الله فيكم وعلى سؤالكم وكل من افتقدني ربي مايحرمني منكم
الظروف خلتني نغيب عن المنتدى وانشاء الله دوم مجتمعين
عليا العلا زهرة حمد الله عالسلامة نورتو المنتدى برجوعكم

السلام عليكم
اهلا بجميع اعضاء المنتدى وحمد الله على سلامتك ملكة شغلتيني عليك المهم نورتي
وحمد الله على سلامة عليا والعلا وزهرة وكل من كان غايب عن المنتدى

السلام عليكم اخواتي واخواني
كثر غياب الاعضاء عن المنتدى بحيت اصبح غير نشيط والمنتدى من غير اعضائه لاا يسوى شي
فاتمنى منهم العودة قريبا واسال الله لهم الرجوع المحمود وانشاء الله غيابهم خيررر

فعلا اختى ميس ولحضة شى هدا فى بعض المنتديات وشنى سبب مش عارف شنى
ربى يرجعهم بخير ات شاء الله

بنقول لمواااااااااااااااااطن وينك

غريبة اليوم شفت اسمها يسراااا  الله مابعد سنينها مختفية
باهي الا شفناها  الحمد لله معناها قاعدة حيه ههههههههههه

هههههههههههههههه اسلام ايه الحمد لله يسرا حية

تي مواطن ليبي وينه معاش خش شني يقيس في غلاه هذا كله
دورونا عليه الحصلة وين اختفى
وحتى ازار هربت معاش خشت من نهاره اكوه معاد رهو
خيره المنتدى بالك رابطين كلب حشاكم فم باب المنتدى
ياللطيف

ايه والله إسلام ان شاء الله المانع خير ومش صاير فيه شيء سيء ياربي
ولو كان على الكلب حاشاكم تو انحولوه من وراء المنتدى ومش من فم الباب فكونا عاد

حشاك من السؤ عليا صحيتي أنتي الوحيدة ألا تبعي في أخبار الاعضاء
والباقي راقدين على وذنهم شكلهم ماعندهم قلب على الاعضاء
ياللطيف الطف ياربي

مواطن اطلع خيرلك ياسر من الدلع شني هذا كله البلاد مافهاش نت ولا وين عايش
حتى اليمن المقمل عندهم نت

موطن هدا من يوم رجع لى ليبيا تبخر مكونش تجوز وخايف من زرده يديره انى نقول
غير تعاله منبو منك شى
مواااااااااااااااااااااااااااطن

والله قلبي مشغول على مواطن ليبي هلبة

مش من عوايده هدا الاختفاء واني صديقته وحتى علايميل معادش يدخل ابدا

لكن بادن الله لازم نلقى طريقة نتصل بيه ونطمنكم عليه ادعو معي ان شاء الله المانع خير بس

حشاك من السؤ عليا صحيتي أنتي الوحيدة ألا تبعي في أخبار الاعضاء
والباقي راقدين على وذنهم شكلهم ماعندهم قلب على الاعضاء
ياللطيف الطف ياربي


علاش اختى اسلام معندناش قلب كانه مرة سالنا عليه وان شاء الله غيابه خير

نبي نعرف وينها قطر خيرها معا ش تخش فيه حد زعلها زعمه

وكملت عليها عليا والعلا وملكة حتى هما بالهون معاش يخشو هلبه

قريب ندرق وجهي حتى أني

سيرة الحب كتب:

والله قلبي مشغول على مواطن ليبي هلبة

مش من عوايده هدا الاختفاء واني صديقته وحتى علايميل معادش يدخل ابدا

لكن بادن الله لازم نلقى طريقة نتصل بيه ونطمنكم عليه ادعو معي ان شاء الله المانع خير بس

سيرة أنتي صديقة مواطن بالله حاولى كيف تتصلي بيه وتسألي عليه قوليله اعضاء المنتدى وأني اولهم يسألو عليك وقالولك خش للمنتدى خير مانحرجو منك ومعاش نكلموك
بالله حاولي كيف تحصليه وقولينا شني صار معاك
في انتظارك ياسيرة

اسلام بارك الله فيك ومشكورة على السؤاااااااال والحق مافيش حد زعلنى غير اليومين هادى ماعنديش نت

ومشكورة مرة تانيه

قطرالندى كتب:

اسلام بارك الله فيك ومشكورة على السؤاااااااال والحق مافيش حد زعلنى غير اليومين هادى ماعنديش نت

ومشكورة مرة تانيه

الله يبارك فيك والحمد لله الا قاعدة نحسابك بتنسحبي من المنتدى ولا حرجانه من حد

المهم نورتينا بقدومك ومعاش تتقفصي على الكروت اشري كرتين مرة ثانية واحد صبيه في التلفون
والثاني خليه احتياط للطوارى

طبعا لكل انسان ظروف وطبعي جدا عنده حياته الخاصة
مش بيشدها ع النت 24 ساعة
وكل واحد وعذره معاه
واكيد المانع خير
ولو مسالنا مش معناها معندنا قلوب
لكن عندنا مشاغل

زهرة طرابلس كتب:

طبعا لكل انسان ظروف وطبعي جدا عنده حياته الخاصة
مش بيشدها ع النت 24 ساعة
وكل واحد وعذره معاه
واكيد المانع خير
ولو مسالنا مش معناها معندنا قلوب
لكن عندنا مشاغل

ايوا يامشاغل
وبعدين قلنا وين تخشو للنت افتحو المنتدى هذا وانشدو ودورو على الاعضاء وشوفو المواضيع وردو عليها
وخاصة المنتدى هذا اكثر الاعضاء معاش يخشوله الا قليل النادر
حتى حني عندنا مشاغل لكن نخشو للمنتدى وننشدو

زيزى ..............الياسمين............وحيدة