ماعندكش مشكلة ..!

السلام عليكم ورحمة الله وبركاته

ماعندكش مشكلة .. جملة نسمع فيها وبكثره هالأيام .. كل ما تكلم واحد فى موضوع يقولك معندكش مشكلة ويقصد أن موضوعك
تم ومنتهى وكل شي فى ( الشنطة ) ومعادش فى مشكلة !!!!

أول شي .. كل جيل وكلامه ومصطلحاته .. زمااان كانوا يقولوا ( عادى ) .. وبعدين مشت الأمور الغير عادية .. عادى !!!

وتوا .. ماعندكش مشكلة ... والحقيقة اللى يقول فى هاجملة هو فى حد ذاته ( مشكلة ) .. يعنى جايب هالثقة هذه منين ؟
وترجعله وتقوله شن صار فى الموضوع يرد عليك ماصارش منه لكن ( ماعندكش مشكلة ) !!!!

المقصد ... للسلبية عدة وجوه منها تبسيط الأمور الى حد إعتبار أن الأمر لا يستحق أكثر من جملة واحدة ويعتبر منتهى
واللى يخليك منبهر من تلك البساطة اللى يأخذها صاحبك لمشكلتك وكأنها منتهيه ..
لا .. ليست كأنها .. بل ( إنها ) منتهيه !

وتروح وترقد قرير العين زى مايقولوا على خاطر صاحبك قالك ( معندكش مشكلة ) وممكن تحاول تدور على مشكلة جديدة تشغل بيها ايامك
لأنك ( خالى البال ) ومتهنى .. ةيجى اليوم الثانى وتلقاه بنفس الملامح والثقة ويقولك .. معليش ماصار شي فى الموضوع
لكن ... ماعندكش مشكلة ..!

حتى لما تعبى بنزينه ويقول اللى فى محطة البنزينه .. بقداش .. تقوله عبيّها .. يقولك معندكش مشكلة !!
إتى باهى يافالح منو اللى قالك اصلاً انى عندى مشكلة فى انك تعبى سيارتى بنزينه !!!!

اللى نبّى نوصل له .. أى واحد يرد عليك يقولك ( معندكش مشكلة ) اعتبر أنه عندك ( مشكلة جديدة ) جاياتك لقدام
وأعبى لروحك ..
وإن شاء الله .. ماعندكش مشكلة .

__

لو تبّى ترد ع الموضوع معندكش مشكلة .. أنى موجود وعندى خاصية التعديل والحذف .. واللى مايعجبنيش .. ماعنديش مشكلة
وهكى أصبحنا زى بعضنا .. أنت معندكش وانا معنديش ماعندكش مشكلة ..! Smile

وسلامتكم ...

ماعندكش مشكلة هاهو رديتلك على الموضوع هههههههههههههههههههههههههه

حق والله هادى الكلمة الى ماشيين بيها

مشكور نمر عجبنى موضوعـــــــــــــــــــك ومميز

مشكور نمور على الموضوع ومعنديش مشكلة لو تبي تعدل الرد وبارك الله فيك هذا واقعنا فعلا

عالم أمي وجاهل والعياذ بالله
قالك معندكش مشكلة
قول باهي وخلاص يانمر شني بدير ربي يفرج على البشر
بدينا نشوفو في النفاق عيني عينك
ربي يهدي

بارك الله فيك اسلام على مرورك العطر
معندكش مشكله

ههههههههههههه
صح يانمر هادي عبارة متداولة الوقت هدا
اهو نوع من بث الامل في النفس على الاقل ماتحسش بخيبة الامل من الاول
بالرغم انت في قرارة نفسك عارف انه مشكلة ومستحيل يصير منها
وتاكد ان اي كلمة في ليبيا خود عكسها تجي انت والحق سوا سوا

شكرااخي نمر تقبل مروري
______________

مشكوره على مرورك اختى ملكه ومعندكش مشكله تورى صفحه

ماعندكش مشكلة بكل

ارقد وانت متهني

اليوم ايتم الموضوع

هههههههههههههههههههههههههههههههههههههههه

صدقت فيها اخي نمر والله

هدا اللي ماشي توا

» تمور مشكلة
» تفاق لحل مشكلة سوق الثلاثاء..*مبدأ الإزالة من أجل التطوير حتمي* .. ‬وليس موضوع خلاف