السلام عليكم ورحمة الله و بركاته ...
- اقتباس :
- اول حاجه يااخ مواطن الموضوع بالنسبه ليا ماعجبنيش وعلى مااعتقد قريت كلامى
- اقتباس :
- بس بنقولك انه بعض المعلومات للاسف امشى ردها وين ماكانت وصاحبك هدا مستحيله بيتكلم على بلاده بها الصورة هادى الا كان اصله مش منها واذا كان اصله منها قوله نهنيك والله لكلامك على بلادك بالصورة هادى عموما الكلام الى قلته مش مصدقته
اول .. شئ موضوع تصديقك او عدم تصديقك لكلامي هذا يرجع ... لك انتي لو شفتي عليا الكذب فمن حقك تقولي كذاب و لو غير هكي ... هذا يعود لك انتي ...
و بالنسبه ... للتهنئه اللي بعتيها للصاحبي اكيد نوصلهاله
أعتقد ... يا اختي الكريمة .. من اشد الخطأ انك تشككي في مواطنه أي ليبي مسلم لمجرد اني قلتلك عنه كلمتين ... و هذا الكلام مش انا اللي نقوله .. هذا الكلام يقول الرسول صلى الله عليه و سلم ... و انا نقصد بهذا الكلام اخي المسلم بصفه عامه ..
أختي : آهل مكة آدرى بشعابها ... و انا إنقولك صاحبي من الجنوب ... فمعناها انه ليبي من جد جده الله يرحمهم من اللي حاربوا ضد الاحتلال الطلياني و الفرنسي من قبله...
و صدقيني .. صاحبي لما تكلم و كان يهدرز علينا و لما سكنت معاه و عاشرته بصوووره اكبر ... تأكدت انه ما يحبش بلاده بكل
عارفه علاش .. ؟!!!
لأنه مش بس يحبها هو يغآآآآر عليها ... و عارفه انتي الغيرة وين توصل ...
؟؟؟
و لو مش عارفه اني إنقولك ..
- اقتباس :
- اول حاجه انا لانعرف شاعر لا مغنى امالا كان نسكن فى الجنوب خلاص معناها نعرف الدنيا كلها ...................
آختي ... الحمد لله انا ما سألتكش عن انسان بذئ او انسان لا يفتخر بمعرفته ... آنا سألتك عن شاعر من كبار الشعراء بالجنوب
و كفايه آختي ... لو انت تاعبتي حالك شويه و دخلتي قوقل و كتبتي اسمه ... كان عرفتيه ..
- اقتباس :
- وتانى حاجه انه اهل الجنوب معروفين بالكرم الحمد لله فى كل مكان والبخل معلوم وين تلقاه وعند من مايستحقش نتكلم وعلى شنى ياحسره بدسوهن الفلوس شنى بخشو بيهن للجنه اامالا هههههههههههههههههه معلومه هادى ضحكتنى والله وقول لصاحبك هذا فى هادى ماجبتها للاسف ولو هوا بخيل مش معناها اهل الجنوب كلهم بخلاء
شوفي انا لما قريت الجمله هادي ... إنطفت النار اللي في صدري و ابتسمت ...
عارفه علاش ... ؟!
لأني حسيتك يا قريتي موضوع تاني ... يا انك ما فهمتيش المقصوود من كلامي ... و اتوقع التانيه هي الجواب الصح من غير ما نطلب مساعده الجمهوووور ههههههههههههه ...
آختي ... محدش يقدر يقول على أهل بلاده بخيلين ... لكن أني كان قصدي و اللي انا توقعت انك ما فهمتيه ... ان هما عندهم الحرص
و هذي حاجه .. كويس عارفه علاش .. ؟ لانهم يوم القيامه راح يسألوا عن الفلووس هادي وين صرفوووها ... فالله دررهم ..
و اقصد طبعا ... الحريصين على صرف المال في الاشياء اللي تنفعهم و تنفع اولادهم ..
أختي .. اي شاب لما يشوف ابوووه عنده فووق الخمسين مليووون دينار ... و يعطيه في مصرووف 5 دينار او اقل ... شن بيقووول عليه اكيد بيقول بووه بخيل ... و هدا اللي كان صاحبي يشووفه على ابهات صحابه ... طبعا رؤيه الموضوع هذا كـ شاب تكون محدوده ... لسبب اني نبي الفلوس باش نتمتع ونصرفها كأي شاب ... لكن ما نفكرش ابوووي كيف جابها و لا كيف تعب عليها ... و معنديش المنظور اللي يقووول انه بعدين يحاسب على الفلوووس يوم القيامه طبعا .. كل هذا من قصر في نظرتي للحياه ... لكن بسبب السن
الجنوب ... و اهل القبائل معروفين بالكرم .. و الحمد لله و أكرام الضيف بصفه خاصه .. و هادي سمعه واصله كل مكان في ليبيا
آما ... عن الناس البخلاء ... اللي ما تبيش تتكلمي عليهم ... نبي إنقولك حاجه وحده نختصرلك بيها ... الكلام هدا كله ... بطن الأم تخرج المصلي و تخرج شارب الخمر ...
و على بلاطه يا اختي ... آصابع إيديك مش كلها زي بعض
يعني ... ممكن الناس اللي انت عرفتيهم ... يكونوا بخلاء و أخذتي الصورة هاذي على باقي البشر ... ((اللي ما تبيش تتكلمي عليهم ))
- اقتباس :
- وبالنسبه للقبليات على ماعتقد انه مافيش بلاد الا مافيهاش قبائل توا هذا شنى هالكلام مش مركب بكل ...................
آختي ... اسمحيلي .. كلامك هنا مش واضح لي تمام .. فأنا اعتذر عن الرد عن الجزء التاني اللي تحته خط و مضلل
آني نعرف إن المجتمع القبلي موجود في كل مكان ... لكن هل المجتمع القبلي اللي في الجنوب نفس اللي عندنا في طرابلس ... ؟؟!
أعتقد اني وضحت قصدي ليك بالجمله هادي ...
- اقتباس :
- بعدها قلت انهم اغنياااااااااااااء مافيش حد غنى فى هالدنيا الغنى الله سبحانه وتعالى لو تعرفوا الشي هذا ..................
و نعم بالله ... و الحمد لله
... و ما انقول الا حديث علمه الرسول الكريم صلى الله عليه و سلم للصاحبي الجليل علي بن ابي طالب رضي الله عنه : ( اللهم أكفيني بحلالك عن حرامك و أغنني بفضلك عمن سواك )
- اقتباس :
- صدقنى انا الجنوب ماعندناش التكبر هذا ابدا ولا ولدنا عليه ولا تربينا عليه واصلا الواحد ماعنداش عليش يتكبر ....................
للمرة التانيه ... آختي .. جمله تانيه تخليني نبتسم ... عارفه علاش .. ؟!
الله يوفقك ... و يخليكي لأهلك ... رسمت الابتسامه على وجه مواطن ليبي ...
ياريت ترجعي للكلامي فوق و تقريه مرة تانيه ... و تركيز اكتر .. لاني نفيت فوق صفه الكبر ... أني مش عارف انتي من وين جبتي كلمة تكبر ... الا اذا كنت قاعده تبصري عليا ... و دايرتيلي الكاميرا الخفييه ...
- اقتباس :
- وقتلى بانهم يركبو فى تيوتات الحمد لله على هالنعمه هادى في وحدين مايكسابو حتى تيوتا
الحمد لله ... يارب و الله يكتر تايوتاتهم ...
- اقتباس :
- بس بنقولك تلقى عندهم التيوتات وتلقى عندهم السيارات الفارهه زى ماقلت مرات فى كل بيت تلقى قداش سياره والتيوتا هادى فى ناس عندهم احسن من مية سياره فخمه وهدا يدل على تواضعنا الحمد لله ومافيش داعى انك تضحك على المعلومه هادى لانها تعتبر استهزاء منك !
لعلمك ... آختي في بدايه كلامي وضحت ان كلامي من باب الدعابه و ليس الاستهزاء و لا تفهمي جملتي بعد ان كتبت الكلام هادا فوق على انه استهزاء ... رجاء ركزي في كلامي كويس ...
و معلومه بسيطه ... ربنا سبحانه و تعالى .. يقول ( و اما بنعمه ربك فحدث ) يعني ما فيهاش حاجه لو ساق السيارات الفارهه ... و تحرك بيها .. لكن انه يفضل التايوتا و يجيب السيارات الفارهه للكراج و بس ... هذا يا اختي و ما احترامي لأهل الجنوب اسمه بذخ .. و اسراف و هذا منهي عنه في الاسلام و ليس من التواضع انه ... يكون عنده سيارات فارهه و يركب تايوتا ... التواضع هو لو سلم عليه الاصغر منه في السن يرد عليه ... الابتسامه و انت تكلم اللي اقل منك في المنزله سواء العلميه او النسبيه بحد سواء ... اختي .. التواضع في اللبس في المشيه ... التواضع مش مقتصر على ركوووب التايووتا .. هذا مفهوووم لازم يكون عندك ...
- اقتباس :
- وفى النهايه بنقولك انت كبرت الموضوع زياده عن اللزوم وانا فى كلامى ماقصدتش باي شي الا من ناحية الشقر والسمر انه عندنا فى الجنوب نفس الشي فقط لا غير وماقصدتش بانهم اغنياء او كرماء وياريت تعاود تقرا كلامى الباين انك فهمته بالغلط وياريت ماتكلمش على بلاد انت ماتعرفها ولا عمرك زرتها
اولا ... شكرآ لك
ثانيا .. أنا لا كبرت الموضوع و لا شئ .. يمكن أنا اخذت الموضوع بدعابه شويه .. و انتي اخذتيه بجديه زياده عن اللآزم .. و هذا اللي خلاني نآخذه بجديات ..
.. و من ناحيه الشقر و السمر ... هاذي حقيقه في كل بلاد العالم ... و الاخ
نمر كان قصده بالكلام الفرق بين الطبقه الاستقراطيه و الطبقه الكادحه ... طبعا شبه الاشقر بالاستقراطي و الأسمر الللي يميل الي الانفيحام بالطبقه الكادحه ... و هذا تشبيه مجازي مافيشي أي خطأ ... و ما كانش القصد الاستهزاء بخلق الرحمن و العياذ بالله ...
و ثالثا .. و رابعا .. .. و خامسا .. و سادسا .. و حتى سبعطاشر ... أنا كنت نتكلم من باب الدعابه لا غير ...
طبعا .. التمنطاشر ... مش عارف مين اللي قالك ... اني ما زرتش الجنوب و ما لفيتش فيه ...
- اقتباس :
- وياريت تسكر على الموضووووع نهائـيـــــــــــــــــا وماليكش اي علاقه بانك تناقشنى فيه
و طبعا تسعطاشر ... اختي المنتدى مفتوووح للنقاش ... و مسموح فيه بالرأي و الرأي الآخر
و لذلك .. آنا نستخدم حقي في الدستوور و نرد عليك ... هههههههههههههههههههههه
و آخر ما نختم بيه ... سبحانك ، وبحمدك لا إله إلا أنت استغفرك وأتوب إليك
و عشرينن ... السلام عليكم
Hitskin.com
