Hitskin.com

وقاحة بعض رجال شرطة المرور

حدثني أحد الأقارب بأنه في يوم من الأيام كان يتجول بسيارته في أحد شوارع مدينة طرابلس بعد أن استوقفه أحد رجال شرطة المرور وطلب منه رخصة القيادة وعندما وجد جميع أوراقه سليمة طلب منه الشرطي أن يعطيه مبلغ مالي وإلا سوف يحرر له مخالفة قانونية بدون أي سبب يذكر
فأنظرو وقاحة بعض رجال المرور سامحهم الله

احترامي

اختى اسلام هده القصص حدتت كتيرا وللسف شديد فى من يعطى فيهم مبلغ باش يسيبه
ولكن اكبر غلط انه نعطيه حتى لو فى مخالفه فى اوراقى والمفروض حتى فى المخالفه الفوريه
لزم نطالب بواصل الخلاص لنه لو مطلبناش شى هدا رح يحطهم فى جيبه
لو شى هدا يصير لشخص يكون عنده شهود يمشى ويبلغ فى شخص هدا
الفروض نفدوه كل الناس شى هدا باش متمادوش فى الخط

اقتراحك يانمر يبي شجاعة لكن وينها الشجاعة وقتنا هذا
كل واحد يبي يهرب من المشاكل ووجع الرأس
يعطيه مبلغ مالي حتى ولو بريء باش يفتك من المرور ومشاكلهم اليومية
لأنه لو مباش يعطيه فلوس ممكن رجل المرور يتبلى على المواطن بكذبة تجيب آخرته
ويحطه في السجن دون أي سبب
ربي يباعد علينا الا ما يخاف ربي
ونحكيلك قصة ثانية وهي صارت لخوي صارله نفس ماصار لقريبي لكن خوي ضرب رجل المرور لأنه استفز خوي وبدأ المرور يطلب منه في أشياء غريبة ويحرر له في مخالفات وهميه - بالله عليكم شوفو الاستهتار بالمواطينن لا في قانون ولا رقيب
وحسبنا الله هو نعم الوكيل

حسبنا الله وهو نعم الوكيل

فعلا شئ مؤسف

بشكل كبير
يعنى بدل ما انت حاطينك بتاحفظ على الناس وارواحهم وماناتهم

يكون المجرم

استغفر الله مولانا العظيم

بس مش موقع شرطه المرور اختى اسلام ونمر بالعكس فى عده مواقع

زى المستشفيات والمدارس
الظمير انعدم

مش عارفه ليش

يمكن الناس ولت فقيره

معاش عندها فلوس
لدرجه توصل بيهم للنصب والاحتيال

او ممكن لانه مش طبيعى يمكن يتعاطى

او فقير لكن دينيا واخلاقيا

لان معروف ان زى رجال الشرطه والبلديه

او معظم الشريحه هذه مرتباتها ضعيفه جدا ويشتغلوا فى عمل مرهق ووقت طويل بدون اى حوافز او ضمانات

مساكيين
والله فى منهم من نشبح فيه من الصبح للعشيه والجو جميد ولاى قبلى وهوا ولا يتحرك من مكانه بالعكس يساعد فى كبار السن والاطفال

وينظم فى المرور بكل احترام

وسعه بال

الله يهدينا ويصلح حالنا جميعا يارب

لكن المفروض ان اللى يدير هكى ينفضح باش يبدا عبره لغيره

ويتربى لانه هذا استغلال

لللامانه اللى مسلمهاله المجتمع

والله المستعان

كلامك مزبوط يسرا
وربي بهدي من خلق
وحسبنا الله ونعم الوكيل

للاسف الشديد غاب الضمير ومات ومع احترامي للجميع هذه ليست وقاحة فقط
بل تصرف غير اخلاقي ابدا وهذا الموقف واحد من الاف المواقف
مشكورة يااسلام على طرحك لهذا الموضوع

نورتي الموضوع زهرة الشكر لك على مرورك وردك

مشكورة اسلام علي الموضوع القيم وسلمت يداك وياريت الكل ايكونوا يد وحدة ضد النوع هدا من رجال المرور لان يد بروحها متصفقش زي ما قالوا

ندى هذا إلا صاير وهذا الا ماشي في البلاد من إلا بيوقفهم عند حدهم
كلهم أخطاء رأسي وقص والمواطن مساهم في هذا الانحراف

ربي يهدي من خلق ويسترنا دنيا وآخره

شكراً لك ندى على مرورك الكريم

لاحول ولا قوة الا بالله
لها الدرجه وصلت بيهم هالوقاحه هدى !
والله فى ناس ماعندهمش لااحساس ولا ضمير مش عارفه كيف يعطيهم خاطرهم يديرو بالعباد هكى لاكن ليه رب كريم ورح ياخدله حقه ان شاءالله ربى ماينساش عباده
مشكورة اسلام على الموضوع
تقبللى مرورى

بارك الله فيك قطر وعلى الاضافة المقنعة
وربي يهدي الجميع

» 10 عشر رجال لا يصلحون للزواج
» "بوبكر رابح"@"كل وقت عنده رجال"

Hitskin.com

وقاحة بعض رجال شرطة المرور !!